முயல், ஆமை கதை பற்றி கேட்டிருப்பீர்கள். முயலுக்கும் ஆமைக்கும் ஓட்டப்பந்தயம் நடந்தது. ஆமையை விட வேகமாக ஓடிய முயல் இலக்கை எட்டும் முன், கொஞ்ச நேரம் இருக்கிறதே ஒரு குட்டி தூக்கம் போடுவோம் என்று நினைத்து நன்றாக தூங்கிவிட்டது. மெதுவாக வந்த ஆமை இலக்கை தொட்டு வெற்றி பெற்றது. இந்த கதை மட்டும் தான் எல்லோருக்கும் தெரியும் . ஆனால் இதன் தொடர்ச்சியாக இன்னும் இரண்டு கதைகள் இருக்கிறது.

இரண்டாவது கதையை பார்ப்போம். ஆமை தன்னை ஜெயித்து விட்டதால் கோபம் கொண்ட முயல் மீண்டும் தன்னுடைய பந்தயத்தில் கலந்து கொள்ளுமாறு ஆமையிடம் கேட்டது. ஆமையும் ஒப்புக்கொண்டது. போட்டி தொடங்கியது . இந்த முறை வேகமாக சென்ற முயல் இல்லக்கை தொட்டது. ஆனால் இந்த முறையும் முயல் தோற்றது காரணம் இது மெதுவாக ஓடும் போட்டி.

மூன்றாவது கதை : இரண்டு முறையும் ஆமையிடம் தோற்ற முயல் இந்த முறை போட்டியின் முடிவை தீர்மானிக்க அருகில் இருந்த குரங்கின் உதவியை நாடியது. குரங்கு ஆமையையும், முயலையும் ஒற்றுமை படுத்த வேண்டுமென நினைத்து ஒரு போட்டியை அறிவித்தது. கொஞ்ச தூரம் நிலத்திலும், நிலத்தை அடுத்து உள்ள ஆற்றையும் கடந்தால் வெற்றி என்று முடிவு செய்யப்பட்டது. முயலால் நில்லத்தை வேகமாக கடந்து விட முடியும், ஆனால் ஆற்றைதாண்டுவது முடியாத காரியம் ஆமையை பொருத்தவரை ஆற்றை சுலபமாக கடந்துவிட முடியும். ஆனால் நில்லத்தை வேகமாக கடக்க முடியாது. இரண்டும் சற்று நேரம் யோசித்து ஒரு ஒப்பந்தம் செய்து கொண்டன. நிலத்தில் ஆமையை தூக்கி கொண்டு முயல் வேகமாக செல்வது என்றும், ஆமையின் மீது முயல் ஏறிக் கொண்டு ஆற்றைக் கடப்பது என்றும் முடிவு செய்தது அதன்படியே நடந்து கொண்டன. வெற்றியை முயலும் ஆமையும் சமமாக பங்கிட்டுக் கொண்டன.

முதல் கதையில் முயில் சோம்பேறித்தனமும், அலட்சியமும் அதற்கு தோல்வியை ஏற்படுத்திக்கோடுத்தன. ' தோல்வி உறுதி என்று தெரிந்தாலும் முயற்சி செய்வது தவறில்லை ' என்ற ஆர்வமும் நம்பிக்கையும் ஆமைக்கு வெற்றியை தேடித்தந்தது.

இரண்டாவது கதையில் போட்டி என்ன என்றே தெரிந்து கொள்ளாமல் போட்டியில் கலந்து கொண்ட முயலின் அவசரமும் நிதானமின்மையும் அதற்கு தோல்வியை தந்தது. தனது நிலையை தெரிந்து போட்டியை மாற்றிய ஆமாயின் சமயோஜிதம், புத்திசாலித்தன்மை அதற்கு வெற்றியை தேடித்தந்தது.

மூன்றாவது கதையில் முயலும், ஆமையும் ஒன்றுபட்டு செயல்பட்டதால் போட்டியை எளிதாக வெல்ல முடிந்தது. இது எல்லோரும் ஒன்றுப்பட்டு , ஒத்த கருத்துடன், கூட்டு முயற்சியுடன் உழைத்தால் வெற்றி பெறலாம் என்பதை உணர்த்துகிறது.